نص الحديث بين الصديق والحريري

كمــا نشره تليفزيون الجديد

ـــــــــــــــــــــــــــــــــــــــــــــــــــــــــــــــــ
الحريري يتكلم عن سوريا: ولا واحد بلبنان ولا بكل سوريا شاكك انو هني عاملينها

الصديق: ما حدن شاكك

الحريري: يعني هني اللي عاملينا نحنا عم نتعامل مع دول عربية وإذا لم تأتي لنا بدليل قاطع أن النظام السوري مشاركين بالاغتيال لدينا مشكلة


زهير الصديق يقاطع: إذا بدك تحكي هيدا الكلام سماع مني، يجب ان تبدأ بالرد عليهم بالذي أساؤوا به الي، هاي أول شي بالنسبة للدول العربية قبل الأجنبية، لا أتكلم أي كلمة لا أكون مسؤولة عنها وسسام، لإنو لما تصير مواجهة بدي واجه ناس، ما بدي احكي كلمي بقولي هيدي ايمتي


الحريري: ايمتين بدك تجيب 1 و2 و3؟


الصديق: من اللي هلأ عم بساوو التفجيرات بلبنان. أنا بجيبهم وبجيب أبوهم، هيدي شغلتي. أنا اللي بجيبهم. التلفون يللي دقيتلك يا رح يبعتو 20 واحد، والتلفون يللي قلتلك ياه انو بدا تبلش التفجيرات؟، صارت وعم تشوفها ولسه. دقيتلك (للحريري) تلفون أول مبارح بالليل بتتذكر شفت المكالمة؟، ما رديت عليي، دقيت مرة تانية قلت يمكن نام، الصبح بدقللي. كنت بدي قللك انو في عبوة بدا تروح عال ال بي سي، طلعب بمي (مي الشدياق) راحت مي. في عندي ناس أنا قلتلك لهلأ.


الحريري: انتي عادة لما بدك تحكيني بتبعتلي مسج


الصديق: وقت الضرورة مني عرفان شلون بدي ابعت مسج عم بكتبلك أنا أحيانا


الحريري: ايه بس عم بعرف انو انتي


الصديق: دقيتلك يومها أكتر من مرة، رنيت ورنيت وما رديت، تاني شغلي انتي رئيس كتلة المستقبل عرفت انو نبيه بري نزل على سوريا وهو بإسبانيا؟


الحريري: بري ما كان بإسبانيا


الصديق: راح على اسبانيا؟ وقبل ما يجب على لبنان بأربع أيام نزل على سوريا وقابل بشار الأسد مع حسن نصر الله لمدة ساعة ونصف؟


الحسن: زهير خلينا نرجع لمسرح الجريمة


الصديق: إذا بدو يطلع التقرير من دون ما يصير أي شوشرة بدو ينحط اسم 9 بني أدمين، 4 لبنانيين و9 سوريين، هذا التقرير هيك لازم يطلع.


الصديق للحريري: فهمني، بكرا لازم نروح عالبيت، أنا إذا بدي انزل علبنان مرتي (زوجتي) وين بتضل؟ هون؟ لاء؟ أو بالسعودية، أو أخوها من لبنان بيجي


الحريري: منجيبو لهون خلص


الصديق: مستعجل شيخ سعد


الحريري: شو بدك عندي اجتماعات


الصديق: عندك اجتماعات بدك تنزلني أقعد 7 ايام بتصرف ليمان وهوي بتصرفي، لسلمك خلية كاملة عم تعمل على الأرض


الحسن شو بتعرف عن دور الأحباش بالموضوع غير موضوع أبو عدس كان لهم دور معين؟


الصديق: بموضوع الحريري هم الذي أمنوا أبو عدس، أما بموضوع رمزي عيراني الأحباش قتلوه


الحسن يلقن الصديق المطلوب منه في بيروت: انت قلت في السابق انو في 4 الشهر (شباط) تركت سوريا وما رجعت على لبنان، هلأ انت قررت أو بالأحرى أبلغتنا انو كنت موجود بلبنان كل الوقت حتى بعد 4 الشهر وانت كنت على مسرح الجريمة بـ14 شباط، بشكل عام تقول لهم شو اللي حصل، كيف كنت وشو صار على مسرح الجريمة، وبعدين ببيروت بتخبرن كل شي بالتفصيل، زهير لازم تعطيهن كل شي، إذا ما عطيتهن كل شي رح نفوت نحنا وانت وهني بالحيط


الصديق: لا لا ما رح نفوت بالحيط، ما بفوت عند سعيد ميرزا ليطلع قرار الاتهام


الحسن: بوعدك إذا بتعطيني كل شي ما بتشوف سعيد ميرزا ليطلع قرار الاتهام